Nanawagan si Atty. Sheila Sison, lead counsel sang Defense Team ni Vice President Sara Duterte sa Senate Impeachment Court nga seguruhon ang patas kag impartial nga pagpadayun sang trial.
Sa iya manifestation, ginmensyonar ni Sison ang nangin ruling sang Korte Suprema sa Duterte vs. House Representatives, nga nagapahayag nga apisar ginapatigayon ang impeachment sa isa ka political environment, ini ang nagapabilin nga constitutional kag legal process nga dapat nagasunod sa mga gintalana nga proseso sang layi.
Panindugan ni Sison nga wala nagalikaw sa accountability si VP Sara kag wala man ini nahadlok sa mangin resulta sang impeachment trial.
Apang, pahayag sang abogado nga ang ginapangayo lamang sang ila kampo, amo ang garantiya sang patas kag wala sang ginadampigan nga trial.
Suno kay Sison, dapat nga mapabilin ang kinamatarong sang respondent nga maubos ang tanan nga legal remedies nga available sa idalom sang layi kag Konstitusyon.
Sa pagtakop sang iya statement, panindugan ni Sison nga dapat magdaog ang isa ka hearing nga “wala sang ginadampigan” ukon “wala sang ginakahadlukan”, kag may panindugan para sa isa ka tampad nga pag-hukom.
