Fulfilling para sa grupo nga Drumskin nga makuha ang kampeonato sa Handog ng Bombo Radyo at Star FM sa Masskara Festival 2026, MASSRAKRAKAN: A showdown of local bands in Negros Island Region sa Bacolod City Public Plaza kagab-i, Oktubre 15.
Sa interview sang Bombo Radyo kay Melisa, vocalist sang DrumSkin, ginpahayag sini nga ini ang una nga kahigayunan nga magpasakop ang ila grupo sa MASSRAKRAKAN.
Gani, daku ang ila kalipay kag pagpasalamat nga nahatagan sila sang oportunidad nga mapakita sa publiko ang ila talento kag abilidad sa musika.
Sila ang makapila ka beses naman nga nagkampeon sa ila mga ginapasakupan nga kompetisyon.
Suno kay Melisa, teamwork ang isa sa mga sekreto sang ila kadalag-an.
Sila ang lunsay mga taga Bacolod kag masobra 15 na ka tuig sila nga nagatukar.
Nagpasalamat ang mga ini sa ila mga fans kag pamilya nga nagsuporta sa ila.
Kasubong man sa Bombo Radyo kag Star FM sa paghatag sang oportunidad sa mga local bands nga mapakita ang ila talento.
Mensahe ni Melisa sa mga musikero nga importante ang mangin humble kag indi magkahadlok nga ipakita ang talento sa kadam-an.
