Nagsumiter sang courtesy resignations ang mga opisyal sang Presidential Communications Office apang, ginalauman nga magpabilin si Palace Press Officer Usec. Claire Castro sa iya nga pwesto, suno sa bag-o nga PCO chief, nga si Sec. Lino Cayetano.
Ginlaragway ni Cayetano nga “treasure” si Castro, kag gindayaw ang “combative” style sini sa pagprotekta sang mga programa sang administrasyon.
Ginbuslan ni Cayetano si former PCO Secretary Dave Gomez, nga wala nakabaton sang kumpirmasyon sa bicameral Commission on Appointments.
Nagaugyon naman ini sa confrontational ukon maisog nga estilo ni Castro.
Ginpahayag man ni Cayetano nga luyag sini ipalapnag ang mga impormasyon tuhoy sa mga programa kag proyekto sang presidente.
Naglaum man ini nga mas hatagan sang pagtamod sang media ang mga critical nga topiko kaangay sang healthcare agud ini ang mas matalakay pa sa publiko.
