Nakasumiter na sang traffic plan ang Bacolod City Police Office (BCPO) para sa Ligtas UNDAS 2026.
Sa interview sang Bombo Radyo Bacolod kay Police Major Elmer Bonilla, chief sang Bacolod Traffice Enforcement Unit, sila ang may mga deployment sa nagkalainlain nga sementeryo.
Ang dalan lamang nga magasarado amo ang sa Burgos Public Cemetery.
Ini bangod luwas sa may ongoing construction, diri na lamang iplastar ang mga magabaligya sang bulak, kandila, kag iban pa nga may kaantanan sa tigkalalag.
Ang road closure ang mahimo suguran Oktubre 31 tubtob Nobyembre 2.
Sa bahin sang vendors, ginahatag na nila ang arrangement sa ciudad, samtang ang Traffic Enforcement Unit ang magafocus lamang sa pagderiher sang trapiko malapit sa mga sementeryo.
Sila ang magadeploy sang tawo sa parehas nga public, catholic, kag private cemetery.
Apang bangod sa Burgos Public Cemetery nga sakop sang Bacolod Police Station 4 lamang ang may road closure, ang iban nga mga police stations ang magadeploy lamang sang magaderiher sa trapiko kasubong man sa seguridad sa sementeryo.
Panawagan na lamang nila sa mga magakadto sa ila minatay nga kun mahimo magkadto na lamang sang temprano sa Oktubre 31, ukon sa Nobyembre 2 na sang gab-i agud indi magdungan sa influx sang mga magakadto sa sementeryo sa Nobyembre 1 tubtob Nobyembre 2.
