Gin-anunsyo ni National Bureau of Investigation (NBI) Director Melvin Matibag nga maga-file siya sang motion for inhibition batok sa city prosecutor sang Davao City Prosecutor’s Office sa pag-uyat sang libel kag cyberlibel complaints nga gin-file ni Davao City First District Cong. Paolo Duterte.
Luyag man ni Matibag nga sayluhon ang venue sang complaints sa National Prosecution Service sang Department of Justice (DOJ).
Suno kay Matibag, natukiban nila nga si Davao City prosecutor Jhopee Salvador Avanceña ang pakaisa sang common-law partner ni ex-Pres. Rodrigo Duterte nga si Honeylet Avanceña.
Pahayag sang NBI director, nga ang motion for inhibition with a motion to suspend proceedings iga-file sa DOJ kag Davao City Prosecutor’s Office, Lunes, October 26.
Madumduman nga sang nagligad nga semana, nag-file si Cong. Duterte sang complaints batok kay Matibag, sa isa ka television network, kag iban pa bangud sa mga alegasyon sang dismissed police officer nga si Rodulfo Gracioso Jr. nga nagdul-ong ini sang minaleta nga kwarta sa mga miyembro sang pamilya Duterte bilang pagsunod sa mando ni former Speaker Lord Allan Velasco.
