Patay ang 63-anyos nga babayi matapos ginlapusan sang kahoy sa Sitio Banman, Barangay Locotan, ciudad sang Kabankalan City alas-12:00 sang Dominggo sang udto.
Ginkilala ang biktima nga si alyas “Letty”, kasado samtang ang suspect ang ginkilala nga si alyas “Jerry”, 45-anyos, lalaki, wala sang asawa lunsay mga residente sang nasambit nga lugar.
Sa interview sang Bombo Radyo kay PLt John Ganzon, hepe sang Kabankalan City Police Station, santo sa panaysayon sang tag-iya sang isa ka tiyangge, nangayo sa iya sang sigarilyo ang suspect apang wala niya ini ginhatagan.
Bangud sini, nagpangakig si Jerry kag ginlaot siya apang wala siya nalab-otan.
Nagbalik ang suspect sa tiyangge kag ang senior citizen nga biktima nga yara sa kilid amo ang iya ginlampusan sang kahoy sang makapila ka beses nga nagresulta sang iya kamatayon.
Suno kay Ganzon, si Jerry ang gina-alegar may deperensya sa paminsaron gani lantawon pa kun ma-diminish ang kaso nga murder kun mapamatud-an samedical record sini.
