Nagsaka na sa 10,000 ang kumpirmado nga kaso sang Ebola virus sa Democratic Republic of Congo, santo sa ila nga gobyerno kahapon, Oktubre 27.
Samtang padayon nga ginatapna sang Congo ang nagalala nga outbreak, na-record sa maragtas sang pungsod ang pinakamadasig nga paglapta sang virus nga nagdangat na sa 10,060 ka mga kaso, santo sa Ministry of Health.
Base sa datos, halos katunga sang mga kumpirmado nga kaso ang ginbawian sang kabuhi.
Ang nasambit nga outbreak nga nag-umpisa sang Mayo sini nga tuig, ang tuga sang tumalagsahon nga Bundibugyo virus, isa ka variant sang Ebola nga wala pa sang bakuna ukon pangontra.
Apisar padayon ang pagpatuman sang mga tikang sang Congo batok sa Ebola, nabudlayan ini nga batuan ang paglapnag sang sakit bangud sa pila ka rason partikular na ang indi maayo nga kondisyon sang kalsada, armado nga tensyon, kag mangin ang misinformation.
Humalin sa tatlo ka probinsya sang Congo, naglab-ot na sa walo ka probinsya ang apektado sa diin ini ang naglapta sa 66 health zones.
Naglapta naman ang Ebola sa pila ka rehiyon sa kontinente sang Africa lakip diri ang Nigeria kag Kenya.
