Nagdeploy ang Bacolod City Police Office sang 1,034 ka police personnel kag force multipliers agud magbantay sa seguridad sa UNDAS 2026.
Ini ang kabahin sa ginpabaskog nga public safety measures sang BCPO, kun sa diin ang mga personnel ang magahatag sang seguridad, magapabilin sang kalinong kag kahilwayan, kag magabulig sa publiko sa ila nga pag-obserbar sang All Saints’ Day kag All Souls’ Day.
Sa idalom sang UNDAS 2026 Security Plan, ang mga personnel ang ideploy sa mga strategic locations sa nagkalainlain nga bahin sang ciudad, kalakip na sa mga public kag private nga sementeryo, memorial parks, columbaria, bus terminals, seaports, motorist assistance centers, kag iban pa nga places of convergence.
Gikan sa 1,034 nga total deployment, 506 diri ang gikan sa BCPO, kag may 366 nga government uniformed personnel kag iban pa nga force multipliers, intelligence personnel, kag Regional Standby Support Force (RSSF) personnel.
Tinutuyo sang deployment nga pasanyog pa ang police visibility, mapunggan ang criminal activities, kag maseguro ang madasig nga pagbulig sa publiko.
May iplastar man nga Police Assistance Desks (PADs) kag Assistance Hubs sa mga startegic areas agud mabuligan ang mga magadu-aw sa minatay, kag mga bisita, turista kag balik-bayan sa ila nga mga byahe.
Pasanyugon man sang kapulisan ang regular nga pagpatrolya kag mga checkpoint operations.
Sila ang magakoordinar man sa mga local government unit, barangay tanod, kag iban pa nga partner agencies, agud maseguro ang malinong kag luwas nga UNDAS 2026.
