Handa nga itaya sang prosekusyon ang kabug-usan nga impeachment trial sa pagsalig sa isa lamang ka article of impeachment batok kay Vice President Sara Duterte.
Sa interview sang Bombo Radyo Bacolod kay House Prosecutor kag Bicol Saro Partylist Rep. Terry Ridon, nasumiter na nila ang formal offer of evidence, kag nagapreparar naman sa cross examination sa pagpresentar sang depensa sang ila nga mga testigo.
Nagapati ini nga mabudlayan ang Defense counsel nga ipakigbato ang mga ginlatag nga ebidensya sa Article 2 ukon unexplained wealth.
Kalakip diri ang nakita nga nakita nga P100 million sa bank account, insurance, kag investment ni VP Sara kag iya bana nga si Atty Manases Carpio, nga wala nabutang sa iya Statement of Assets, Liabilities, and Net Worth (SALN).
Suno kay Ridon, sa nasambit nga topiko pa lamang sarang na nga maconvict si VP Sara, bangod kaangay man sini ang naka-impeach kay anay Chief Justice Renato Corona.
Kasubong man ang natukiban sang National Bureau of Investigation (NBI) nga mga mansyon, nga sa deklarasyon mga duta lamang.
Isa man sa dapat ipaathag ni Atty Carpio ang paggastos sang P200,000 para sa pagkaon, kag P200,000 para sa mga sapatos.
Suno diri, malayo sa ordinaryo nga mga Pilipino ang lifestyle sang mga Duterte.
Pahayag sini nga sa depensa nga ang gigastos sa sapatos ang para sa gina-manage nila nga basketball team, kaangay naman nga ginahambal nga si VP Sara ang kaparehas na sang level sa mga oligarchs nga nagamanage sang mga basketball team sa University Athletic Association of the Philippines (UAAP), nga wala nagasanto kun basihan ang iya source of income, kag deklarasyon sa SALN.
