Ginpahayag ni President Ferdinand “Bongbong” Marcos Jr. kahapon nga indi dapat maalarma ang publiko sa paghuyang sang Philippine peso batok sa dolyar.
Nagpasalig ang presidente nga ila ginatinguhaan nga maproteksyunan ang balor sang piso kag malikawan ang tuman nga paghuyang sini.
Suno pa diri, handa ang gobyerno nga gamiton ang tanan nga tikang agud suportahan ang Philippine peso nga indi magpadayon ang paghina.
Ginpahayag man sini nga nagabaskog man ang dolyar.
Ang local currency ang nagtibusok sa intraday low nga P64.18 kontra dolyar, mas manubo sangsa 33rd record low nga P64.17:$1 sang pagsira sang trading sang Martes.
Ang paghuyang sang piso ang kadungan sang pagsaka sang presyo sang global crude oil tuga sang krisis sa Middle East.
Gin-angot man ni Marcos ang paghina sang piso sa nagasaka nga oil kag fuel prices.
Apisar sini, nagpasalig ang presidente sa publiko nga “healthy” ang foreign exchange reserves.
Ginpahayag man sini nga nagahimo naman sang tikang ang gobyerno para sa pagpanubo sang presyo sang mga balaklon partikular na sa pagkaon.
