Wala sagihapon sang kasiguruhan si Gilas Pilipinas head coach Tim Cone kun makaupod nila si Kai Sotto para sa fifth window sang FIBA World Cup Asia qualifying window nga patigayunon sa Seremban, Malaysia.
Atubangon sang Gilas ang Syria sa Nobyembre 27 kag ang Iran naman sa maabot nga Nobyembre 29.
Target sang Gilas ang isa sa walo ka slots nga nakareserba sa Asya kag Oceania sa FIBA World Cupn sa Doha sadtong Agosto 27 tubtob Setyembre 12.
Sa karun, yara ang Gilas Pilipinas sa ikalima nga pwesto sa anum ka team sa Group E kun sa diin may yara lamang sang duha ka qualifying windows ang nabilin.
May yara sang apat ka daog kag apat man ka pierde ang team sang Pilipinas sa nasambit nga grupo kag nagapanguna diri ang Australia nga may yara sang walo ka daog kag wala pa sang pierde.
Ang 24-anyos nga si Sotto ay nagahampang sagihapon sa Japan B-League.
Gin-ako ni Cone nga may yara sang dako nga tsansa nga makahampang na si Benny Boatwright matapos nga makumpleto na sini ang iya nga naturalization.
