Nagapasalamat ang Overseas Filipino Worker sa Hong Kong nga natuon sa Domingo ang Nobyembre 1.
Sa interview sang Bombo Radyo Bacolod kay Bombo International News Correspondent Jeje Casa Padilla Vergara direkta sa Hong Kong, holiday sa mga Filipino ang Sunday gani mahimo sila makagwa kag makakitaay sang iban man nga mga Filipino nga nagatrabaho didto.
Suno kay Vergara, sila nga mga Filipino sa nasambit nga pungsod ang nagaluto man sang mga kalan-unon sa tion sang tigkalalag kaangay sang lugaw, suman kag iban kag gina-share man nila sa isa kag isa sa ila pagtililipon.
Dugang pa sini, nga ang pilit nga gingamit niya sa lugaw ang nagikan pa sa Calinog, Iloilo bangud may yara sang isa ka Filipino nga nakabakasyon gani nagpadala ini sang pilit sang ini ang nagbalik na sa trabaho.
Suno diri, wala man siya nagagamit sang pilit nga ginabaligya sa Hong Kong bangud lain ini sangsa pilit sa Pilipinas.
Kun wala sang pilit nga nagikan sa Pilipinas nagaluto nalang sila sang spaghetti kag saluhan.
Nagasimba man sila kag nagabayad sa pagpamisa sa mga kalag sang nagtaliwan nga mga himata.
Samtang ang mga Chinese sa November 1 ang nagapatigayon man sang mga events kaangay sang trick or treat kun sa diin nagasuksok sang halloween costume kag nagadala sang mga candies nga nasulod sa pumpkin basket.
Wala man ang mga ini nagabisita sa ila nga minatay bangud bulan sang Marso nila ini ginahimo.
