Gin-engganyo ni Senator Kiko Pangilinan ang gobyerno nga unahon ang mga mangunguma, manugpanagat, kag mga pamilya nga mga pigado sa preparasyon sa ginalauman nga epekto sang Super El Niño.
Suno kay Pangilinan, dapat maghimo sang mga tikang agud nga maproteksyunan ang mga sector nga labi nga maapektuhan sang madugay nga drought, posible nga pagsaka sang presyo sang pagkaon kag pagkadula sang palangabuhian.
Gin-emphasize sang senador nga mas makapamaayo nga temprano nga magpreparar sangsa magtudluanay kag magbasulay sa tion nga maeksperyensyahan na ang epekto sang nasambit nga weather phenomenon.
Kalakip sa mga dapat nga preparahan sang mga ahensya sang gobyerno ang nagakaigo nga supply sang mga nagapanguna nga kinahanglanon, lokasyon sang mga storage facility, kag maayo nga sistema sang pagpanagtag sang bulig sa mga komunidad nga lubos nga nagakinahanglan sini.
Ginmungkahi man ni Pangilinan ang preparasyon sang mga water tanker, bomba sang tubig, kagamitan sa water treatment kag mga repair team agud nga maipadala sa mga lugar nga makaeksperyensya sang kakulangan sang tubig.
