Liwat nga gin-bombahan sang Russia ang Ukraine partikular na ang ila nga energy infrastructure, gamit ang pila ka dosena nga missiles kag ginatos ka mga drone.
Bangud sini, pila ka mga lugar sa pungsod ang nadulaan sang suplay sang kuryente.
Suno kay Ukrainian President Volodymyr Zelenskiy, indi manaug sa 33 ka mga indibidwal ang ginbawian sang kabuhi sang Lunes matapos gin-atake sang Russia ang isa ka humanitarian aid.
Ginabanta 50 pa ka tawo ang posible nga na-trap sa sulod sang natiphag nga establisyemento.
Gin-report naman sang Russia nga nasunog ang isa nila ka dako nga oil refinery sa ciudad sang Yaroslavl matapos gin-atake sang Ukraine.
Suno kay Zelenskiy, naglunsyar ang Russia sang 289 ka mga drones, 17 ka ballistic missiles kag 59 ka cruise missiles.
Lakip sa mga naigo amo ang mga planta sang kuryente kag substation sa nagkalain-lain nga bahin sang Ukraine.
Ginakabalak-an sang mga pumuluyo ang nagahilapit nga tigtulugnaw sa diin mahimo madulaan sang suplay sang kuryente.
Sa karon, padayon nga nagapanawagan ang mga lider sang Europa nga untaton na ang gyera sa tunga sang Ukraine kag Russia agud wala na sang masakripisyo nga kabuhi.
