Ginpasiguro ni Bacolod City Mayor Greg Gasataya sa Hiraya Water Corporation kag Bacolod City Water District (BACIWA) ang suspisyente nga water sources bangud sa tig-ilinit kag ginapaabot nga Super El Niño nga magadugay tubtob 2027.
Suno kay Mayor Greg, nakapatigayon na sila sang meeting kag nagpahayag ang water concessionaire nga may yara na sila sang natumod nga water source.
Suno sa alkalde nga importante gid sa tanan ang dugang nga water source magluwas sa kun ano ang may ara ang mga ini sa karun.
May gintumod na ang kumpaniya kag may ginpang-recommend naman sila nga existing water source apang kinahanglan pa sang agreement.
Dugang pa sang alkalde nga ang water concessionaire ang nagpadala sang sulat sa City Mayor’s Office bangud may mga subdivisions nga willing ipasulod sa water district kag natalana nga i-finalize ang detalye.
Suno kay Gasataya, ang ciudad ang may yara naman nga na-contact nga mga pamilya nga may yara sang water sources kag gina-finalize naman ang mga detalye.
