Kumpiyansa ang Punong Barangay sang Barangay Handumanan Bacolod City nga malab-ot sang mga ini ang ila goal sa pagpatuman sang “No Segregation, No Collection” initiative sa nasambit nga Barangay.
Sa interview kay Punong Barangay Febe Legaspi, wala pa sila sang patigayunon nga color coding sa ila garbage collection apang may yara man sila sang plano nga ipatuman ini.
Suno kay Legaspi, wala na ginapabudlayan sang Barangay sa pagkolekta sang mga basura ilabi na sa mga plastics bangud ang luyag lamang sini nga mapatuman nga mapain sang mga residente ang madunot kag indi madunot.
Suno kay Legaspi agud masiguro nga matuman ang “No Segregation, No Collection” initiative may yara sang may yara sang may masunod nga street cleaner, task force kag SWMP sa pagkuha sang basura.
Ang initiative ang napahibalo naman sa tanan nga Purok.
Ang nasambit nga initiative ang ginapatuman sa anum ka 39 ka Purok sa nasambit nga Barangay.
Ang indi madunot ang isegregate pa sang eco warriors sa tion nga madala sa Material Recovery Facility kag ang mapuslan ibaligya, ang indi naman ihaboy sa sanitary landfill samtang ang madunot ang himuon nga abono.
May tricycle nga magasulod sa mga eskinita sa pagkolekta sang basura.
Lunes, Miyerkules kag Biyernes natalana para sa pagkolekta sang indi madunot samtang ang Martes, Hwebes kag Sabado para sa madunot.
Sa kaangot nga balita sa pahayag naman ni Executive Assistant to the Mayor on Environmental concerns and Special Programs Mona Dia Jardin, dako na nga bulig sa ciudad ang pagsegregate sang basura bangud ang residual na lamang ang ihaboy sa Sanitary landfill.
Suno kay Jardin ang pagpatuman sang “No Segregation, No Collection” initiative ang indi pagpanghangkat sa Punong Barangay kundi sa mga pumuluyo.
Dugang sini nga agud nga magmadinag-on ang initiative dapat mangin disiplinado ang mga pumuluyo kag sundon pagsulundan sa pagpatuman sini.
Ginpahayag man sini nga trabaho sang mga eco warriors ang pag-tseyar sang mga plastic nga suludlan sang basura agud masiguro nga segregated ini.
Sa tion mapamatud-an nga “mixed” ang basura, indi ini pagkuhaon sang Barangay.
