-- ADVERTISEMENT --
Makaguluginhawa ang mga motorista sa subong nga semana kasunod sa dako nga rollback sa presyo sang mga produktong petrolyo.
Suno sa Department of Energy, maganubo sang P16.80 kada litro ang presyo sang gasolina kag P4.10 kada litro sa presyo sang diesel.
Samtang, may pagnubo man sang P3.70 kada litro sa presyo sang kerosene.
Ini ang mangin epektibo subong nga Martes tubtob sa Lunes, Nobyembre 16.
Suno kay DOE Oil Industry Management Bureau Director Rino Abad, ang pagnubo sa presyo ang may kaangtanan sa mga developments kasunod sang US Midterm elections, posibilidad nga pagtapos sang US-Iran conflict, nga nagpakalma sa ginakabalak-an nga potential disruptions sa global oil supplies.
-- ADVERTISEMENT --
