Nangin maragtason ang pagdaug sang Filipino girl group nga BINI sa diin naangkon ang Favorite Global Music Star sa 2026 Nickelodeon Kids’ Choice Awards, nga mas nalabawan ang pila ka mga international music stars kalakip sanday Taylor Swift, Tyla, kag Karol G.
Ginrepresenta sang Nation’s Girl Group ang Asya para sa global category, batok kanday Tyla (Africa), Zara Larsson (Europe), Taylor Swift (North America), Olivia Dean (United Kingdom), Karol G (Latin America), kag Tame Impala (Australia).
Ang kadalag-an ang nagmarka sang panibag-o nga milestone sa grupo sa diin sila ang labing-una nga Filipino act kag una nga non-Korean representative nga nakakuha sang nasambit nga kadalag-an.
Kalakip sa mga representante sang Asya amo sanday BIGBANG, BTS, BLACKPINK, kag Stray Kids.










