Natalana nga ipresenta sa Senate impeachment court subong nga adlaw kag sa Nobyembre 19 ang apat ka mga testigo sang defense team ni Vice President Sara Duterte matapos ginpadala ang mga subpoena sa ila.
Lakip sa mga testigo si lawyer Rainer Dela Fuente nga maga-paathag sa Anti-Money Laundering Act; Trade Undersecretary Ceferino Rodolfo, Food and Drug Administration official; Pilar Marilyn Pagayunan kag Rowena Mendoza sang Center for International Expositions and Missions, nga magatalakay sa mga transaksyon kag registration sang Cale88 Foods Corporation.
Santo sa prosecution team, kinahanglan nga mapaathag sang defense team ang unexplained wealth ni Duterte base sa mga financial records nga ginpresentar sa impeachment trial.
Ang Cale88 isa sa mga negosyo nga ginakwestyon sang prosekusyon matapos magpagwa sang financial records nga indi magnubo sa P319 million ang remittances naggikan sa China.












