-- ADVERTISEMENT --
Ginakalipay sang isa ka tricycle driver ang pagpatuman sang rollback sa presyo sang produktong petrolyo.
Sa interview sang Bombo Radyo Bacolod kay Antonio Jacolde, ginakalipay nila nga nagnubo ang presyo sang gasolina bangud may makinot sila kag makapiyan-piyan sa ila nga pagpang-adlaw adlaw.
Dugang pa sini bisan mag-arkila pa sila sang P150 sa tricycle may yara man sila sagihapon sang mapauli nga ila kita sa pagbiyahe.
Si Jacolde, ang nagabiyahe sa Escala-Fortune Town sa Barangay Estefania, Bacolod City.
Sang Lunes gin-anunsyar sang Department of Energy (DOE) ang gasolina ang maganubo sang P1.50 kada litro; ang Diesel maganubo sang P3.80 kada litro, samtang ang Kerosene ang maganubo sang P5.80 kada litro.
-- ADVERTISEMENT --












