Suspect sa pagbuno-patay sa isa ka lalaki sa Brgy. Granada, Bacolod City, nagsurrender sa kapulisan
-- ADVERTISEMENT --

Nagsurrender sa kapulisan ang suspect sa pagbuno-patay sa isa ka lalaki sa Prk 4, Brgy Granada, Bacolod City sang Miyerkules.

Sa interview sang Bombo Radyo kay Police Captain Merlvin Dulce, Chief of Police sang Bacolod Police Station 5, ang suspect nga ginkilala nga si alyas “Peter” ang boluntaryo nga nagsurrender sa kapulisan pasado alas-4:00 kaina sang hapon.

Suno kay Dulce, nagkoordinar sa ila ang pamilya ni Peter kag ini ang gindul-ong sang iya paryente sa Police Station 5.

Ini bangud nahadlok ang suspect nga maggwa sa ila nga balay gani nagtinguha ang pamilya nga makig-angot sa kapulisan.

Pahayag sini, gin-ako ni Peter nga siya ang may kahimuan sa krimen apang padayon sa gihapon ang ila imbestigasyon sa posibilidad nga may iban pa ini nga upod sang ginhimo ang pagpamuno.

-- ADVERTISEMENT --

Kaso nga murder ang ipasaka batok sa suspect.

Si Peter ang may nakaligad man nga kaso nga alarming scandal kag pagpangawat.

Suno kay Dulce, santo sa panaysayon sang suspect, ginsaway sang biktima nga si Danny Abellar ang paryente sini.

Nanugid ang paryente kay Alvarez rason nga iya ginkomprontar ang biktima tubtob nga sila ang nagbaisay kag ginbuno si Abellar.

Sa karun, ginapangita pa sang kapulisan ang patalom nga gingamit sa krimen.