DOE, nagpirma na sang kasugtanan sa Japanese Government angot sa pagdihon sang strategic petroleum reserve
-- ADVERTISEMENT --

Nagpirma ang Department of Energy (DOE) kag ang gobyerno sang Japan sa isa ka importante nga kasugtanan agud nga umpisahan ang pagdihon sang mga strategic petroleum reserve sang pungsod.

Suno kay DOE Secretary Sharon Garin, ang tikang nga ini ang importante agud nga masiguro nga preparado ang Pilipinas sa anuman nga possible nga pagka-delay ukon krisis sa global supply sang langis.

Ginpangunahan nanday Secretary Garin, Minister sang Economy, Trade and Industry sang Japan nga si Ryosei Akazawa ang pagpirma sa Memorandum of Cooperation (MoC).

Katuyuan sang kasugtanan nga ini nga i-guide kag padasigon ang pagdihon sang national reserve sang krudo.

Nakasaad sa kasugtanan ang pagbalay sang mga strategies para sa efficient system sang pag-stock, pagtsekyar sang mga nagakaigo nga pasilidad, pagtumod sa mga nagapabilin nga pamaagi sang pagpondo para sa mga proyekto.

-- ADVERTISEMENT --

Magluwas sa mga infrastructures, ginpasanyog man sang kasugtanan ang technical changes kag kooperasyon sang duha ka pungsod.