Lalaki nga nakuhaan sang 15 ka kilo sang High Grade Marijuana Kush sa Brgy Tangub, napasakaan na sang kaso
-- ADVERTISEMENT --

Nafile na ang kaso batok sa suspect sa buy-bust operation sa Gardenville Subdivision, Brgy Tangub, Bacolod City.

Madumduman nga narecover sang kapulisan kay alyas Tol nga ang P18 million nga balor ukon 15 kilograms sang high grade marijuana kush sang Martes.

Sa interview sang Bombo Radyo kay Plt Col. Roberto Indiape Jr., pinuno sang Bacolod City Drugs Enforcement Unit, sang Miyekules, nafile na ang kaso nga paglapas sa Republic Act No. 9165 ukon Comprehensive Dangerous Drugs Act of 2002 batok kay sa suspect paagi sa inquest proceedings.

Suno kay Indiape, si alyas “Tol” lang ang gindakop bangud siya ang subject sa buy-bust operation kag wala man sang kahilabtanan ang iya nga mga kaupdanan sa subdivision.

Suno diri, ang suspect ang may yara sang live in partner.

-- ADVERTISEMENT --

Pahayag ni Indiape, gina-imbestigaran pa nila ang supplier kag buyer sang nasambit nga marijuana kush.

Posible suno sa iya nga code name lamang ang mga nakapangalan sa kada pack sang marijuana kush nga daw kaangay sang parcel sang produkto ang packaging.

Samtang, suno kay Indiape nga nakilala na nila ng shipping company kag ginatumod pa nila kun san-o nagsugod ang pagship sang marijuana kush.

Nagpanugyan Indiape sa mga pumuluyo nga padayon ang pagbulig sa kapulisan sa kampanya batok sa ilegal nga druga.