Senator Erwin Tulfo, ginreklamo ang pagkwestyon sang spokesperson ni VP Sara sa mga Senator-judges nga nagabatikos sa defense witness
-- ADVERTISEMENT --

Ginkwestyon ni Senator-Judge Erwin Tulfo ang mga pahayag ni Atty. Paolo Panelo, spokesperson ni Vice President Sara Duterte, batok sa mga senator-judges nga gina-alegar nagakwestyon kag nagabatikos sa kredibilidad sang mga testigo sang depensa.

Antes naglatag sang offer of testimony para sa bag-o nga witness sang depensa nga si Department of Trade and Industry (DTI) Undersecretary Ceferino Rodolfo, ginrequest ni Tulfo nga mahibaluan kun may mahimo ang impeachment court angot sa mga komento ni Panelo.

Suno kay Tulfo, indi kabahin sang trial si Panelo apang padayun ini nga nagapagwa sang mga komento angot sa mga senator-judges nga nagaserbe nga hukom sa impeachment court.

Panindugan niya nga ini ang makabig nga indi pagtahod sa impeachment court, ilabi na nga ang pahayag ang gikan sa spokesperson mismo sang gina-trial nga Bise Presidente.

Madumduman nga kahapon, Nobyembre 19, gin-akusaran ni Panelo ang pila ka senator-judges sa pagpakita sang biases batok kay Duterte matapos sang mga ini ginkwestyon ang kredibilidad ni defense witness Atty. Rainer Dela Fuente.

-- ADVERTISEMENT --

Partikular nga gintumod ni Panelo sanday Senators Raffy Tulfo, Francis “Kiko” Pangilinan kag Risa Hontiveros.

Ginpahayag man sini nga indi trabaho sang mga senador-judges nga gub-on ang kredibilidad sang mga testigo bangod ini ang trabaho sang prosecution panel.