Bangkay nga naputos sa garbage bag kag nakapacking tape, ginhal-id sa irigasyon sa Brgy Pacol, Bago City
-- ADVERTISEMENT --

Nasapwan ang bangkay nga naputos sa itom nga garbage bag, kag nakapacking tape ang palibot sa irigasyon sa Prk Kapayas, Brgy Pacol, Bago City subong nga aga.

Hubas na ang irigasyon gani yara lamang nagatinir sa idalom ang bangkay.

Ang irigasyon ang kapin duha ka dupa ang distansya sa highway, samtang parehas nga talamnan ang palibot.

Sa interview sang Bombo Radyo Bacolod kay Jeffrey, pumuluyo sa lugar, sa nasambit nga purok man ginhal-id ang bangkay nga naputos man sa packing tape sang nakaligad nga Hulyo.

Pahayag sini nga medyo malayo ang mga pamalay sa area, samtang madamo naman sang exit route kaangay sang routa padulong sa La Carlota City, Pulupandan, Valladolid, Murcia, kag Bacolod City, nga ginalantaw sini rasun kun ngaa sa nasambit nga area ginbilin ang mga bangkay.

-- ADVERTISEMENT --

Apisar nga wala pa nabuksan ang garbage bag, matumod naman nga tawo ang unod bangod sa korte sang pagkaputos diri.