Ginrequest sang Committee on Transportation and Traffic sa pagpanguna ni Councilor Atty. Dindo Ramos sa Land Transportation Franchising and Regulatory Board (LTFRB) nga i-status quo ukon indi anay pag-aprubahan ang pagpasulod sang bag-o nga mga units sang modernized jeepneey sa ciudad sang Bacolod.
Suno kay Atty Ramos, sila ang nagpasa sang resolusyon nga nagahingyo sa LTFRB nga i-maintain lang anay ang numero sang mga modernized jeepney samtang wala pa masolusyunan ang problema sa pagpatuman sang PUV Modernization program sa ciudad.
Suno sa Konsehal, nakita sang iya komitiba nga may financial problem ang pila ka mga modernized jeepney operators kag drivers bangud nagapangayo pa ang mga ini sang subsidy agud makabayad sang ila montly ammortization.
Ginalantaw man sini nga kun may bag-o nga ruta sa Bacolod mahimo nga makadugang sang units.
Apang mas maayo suno kay Atty Ramos nga sulbaron anay ang mga pending nga issues antes magdugang sang bag-o nga units.












