Para sa political analyst sa ciudad sang Bacolod madamo sang palamangkutanon nga nagakinahanglan nga mahatagan sang sabat sa kamatayon ni anay undersecretary Department of Public Works and Highways Secretary Maria Catalina “Cathy” Cabral.
Sa interview sang Bombo Radyo Bacolod kay Atty Jomax Ortiz, ang isa ka abugado ang mahimo nga magpatigayon sang cross examination kag ang isa sa nakita nga person of interests ang driver ni Cabral.
Suno kay Ortiz, ginbilin sang driver si Cabral sa higad sang Kenon road sa Benguet sang aga pa kag ginkuhaan pa ini sang selfie.
Suno kay Ortiz ang isa ka madugay na nga personal driver ang wala ginabayaan ang employer sini.
Suno diri, nakahibalo na ang driver ni Cabral sang sitwasyon sini gani dapat wala niya ini ginbayaan.
Ang driver ang indi lang pagdrive ang iya ang nga obligasyon bangud obligasyon man sini nga bantayan ang employer.
Suno sa abugado kadako nga palamangkutanon sa karun ngaa ginbayaan sang driver si Cabral kag ginbalikan lamang makaligad ang pila ka oras.
Dugang pa sang abugado nga makaduluda man nga nag utas ini sang kaugalingon nga kabuhi bangud si Cabral ang isa ka maalam nga tawo kag ang mga maalam nga tawo ang ginasigurado nga mapatay ini pananglit nga magpakamatay kaangay lamang ni Adolf Hitler nga nag-inum cyanide capsule.
Dako man nga pamangkot nga ang mga police kag ang DILG secretary ang madasig magpahayag nga wala foul play ang kamatayon ni Cabral.
Suno pa diri dugang pa nga pamangkot ngaa ang bana mismo sang anay DPWH undersecretary ang nagpahayag una nga indi na pagpa-autopsy ang bangkay bangud siya namismo ang nagkumpirmar nga asawa niya ang nasapwan.
Suno kay Ortiz, tuman pa ka temprano agud nga magpahayag nga wala foul play sa kamatayon sang biktima.
Nahibaluan nga si Cabral ang gin-angot man sa issue sa anomaliya sang flood control projects.
