Priso na sa Senado si Nancy Gamo, ang accountant ni suspended Bamban, Tarlac Mayor Alice Guo.
Nadakpan si Gamo sang mga opisyales sang Office of the Sergeant-At-Arms sang Senado.
Suno sa report, nagpaidalom si Gamo sa medical checkup sang doctor sa Senado nga kabahin sang standard operating procedure sa tion nga may ginadetain ang upper house.
Magapabilin naman si Gamo sa kustodiya sang Senado samtang ginahulat ang pagpadayon sang imbestigasyon sang Senado sa ginraid nga POGO hub sa Bamban, Tarlac.
Si Gamo, ang nagamanage sa pagfile sang mga dokyumento para sa mga negosyo sang pamilya Guo.
Isa man ini sa walo nga ginpaaresto sang Senado bangud nacontempt matapos nga wala nagtambong sa mga nagliligad nga hearing apisar nga may subpoena.
Samtang, sa karun, wala pa naaresto si Mayor Guo, ang mga ginikanan sini kag tatlo ka mga utod kag man si Dennis Cunanan nga tiglawas sini.
