Nag-abot na sa ciudad sang Bacolod ang Automated Counting Machine (ACM) nga gamiton para sa May 12 National and Local Election.
Sa interview sang Bombo Radyo Bacolod kay Bacolod City Election Officer Atty Revo Sorbito, 398 ka ACM ang natalana nga gamiton para sa polling centers sa ciudad.
Suno diri, ginbutang sa warehouse ang mga ACMs samtang may patigayonon pa nga final testing antes ini ipadala sa polling centers.
3,922 ang kinahanglan nnga ACMs para sa Negros Island Region; 2,848 sa Negros Occindental; 1,289 sa Negros Oriental; kag 149 sa Siquijor.
Suno kay Sorbito, nabaton na nila ang ACMs sang Martes kag sa karun nasafety sa warehouse.
Samtang, may yara na sang 355,880 ka mga registered voters sa ciudad, kun sa diin ang may pinakamadamo diri amo ang Brgy Mansilingan nga may 27,772 registered voters nga ginasundan sang Brgy Singcang Airport nga may 20,881 registered voters kag Brgy Taculing nga may 20,823 samtang ang may pinamadutay nga registered voters amo ang Brgy 24 nga may yara lang sang 353.
