May yara sang saka nga P2.46 per kWh sa electic bill subong nga bulan.
Sa interview sang Bombo Radyo Bacolod kay Engr. Leomel Tambanillo, Assistant Vice President for Business Planning and Operation sang Negros Electric and Power Corporation, sa karun yara na sa P13.34 per kWh ang rate nga mas mataas kun ikumpara sa P11.10 sang tinalikdan nga bulan.
Suno diri, ang rason sa increase ang bangod sa malawig nga tion nga may yara sang manipis nga supply sa Visayas grid.
Suno kay Tambanillo, indi masarangan ang demand sa kuryente kag ginakulang ang generation capacity sa Visayas nga nagatuga sang pagsaka sa balayran sang kuryente.
Suno pa diri, kagab-i may yara sang emergency load dropping ang NGCP kun sa diin naapektohan ang linibo ka mga consumers.
Wala pa sang detalye kun ano gid ang deperensya sa makinarya sang planta apang ginapadali ang maintenance ukon repair para mapadali ang pagbalik sang supply sa grid.
Dugang pa sini, ang ginapagwa nga abiso sa yellow alert kag red alert nga status sang kuryente ang bangod sa manubo nga supply nga posible magpadayon kag maka-apekto sa consumers.
Pahayag ni Tambanillo, iya ginakasubo nga ini ang nagaka-eksperyensyahan sa Visayas grid apang nagaka-eksperyensyahan man ini sa Luzon kag Mindanao.
