Nagpanugyan ang militar sa publiko nga indi magpanic matapos ginpahayag ni Senator Imee Marcos nga nakakuha ini sang impormasyon natuhoy sa ginaalegar deployment sang China sang hypersonic missiles sa 25 ka mga base sang Pilipinas nga sarang magamit sang tropa sang Amerika sa idalum sang Enhanced Defense Cooperation Agreement (EDCA).
Suno kay Armed Forces of the Philippines (AFP) Chief of Staff Gen. Romeo Brawner Jr., nagahingyo ini sa publiko nga indi magpanic bangud sa nasambit nga impormasyon.
Suno diri, ang Armed Forces of the Philippines lakip na ang security sector sang pungsod ang nagabuligay agud makit-an ang matuod-tuod nga sitwasyon.
Suno sa iya, wala sila sang may nagakakit-an nga report nga may 25 ka mga targets ukon lokasyon sang 25 ka mga targets apang wala man sini ginadula ang posibilidad nga ang Pilipinas ang mangin target sa missile kag drone attacks.
Apang nagpasalig ang AFP sa publiko nga ginapasanyog sini ang defense system sang pungsod batok sa potential nga mga pagpang-atake.
