Malapit na ang paskwa kag madamo na ang mga magabiyahe pauli sa tagsa nila ka lugar ukon magbakasyon man magpadulong sa iban nga pungsod agud nga magbakasyon.
Masami nga mabatian amo nga nagakadula ang bagahe sa airport apang may ara sang airport nga wala nagakadulaan sang bagahe sa sulod sang tatlo na ka dekada.
Ini ang Kansai International Airport (KIX) ang ikapito sa pinakamasako nga airport sa Japan.
Santo sa pahayag sang airport management, wala ang mga ini nakaeksperyensya nga madulaan sang bisan isa lamang ka bag humalin sang nagbukas ang mga ini sadtong Setyembre 1994.
Ang airport ang may yara sang average nga 20-30 million nga mga pasahero kada tuig.
Madamo ang nagadayaw sa sini nga achievement, apang indi ini “big deal” para sa airport staff.
Suno sa Kansai, indi man ini “something special” bangud ginahimo lamang nila ang ila trabaho paagi sa paghalong sang gamit sang mga travelers.
Bangud sini, subong nga tuig, nakabaton sang award ang nasambit nga airport bilang sa world’s best airport baggage delivery.
Ang award nagikan sa UK-based aviation ranking and rating website nga Skytrax.
