Ginmando ni US President Donald Trump sa Federal Bureau of Prisons nga liwat nga kay-uhon kag buksan ang Alcatraz prison sa San Francisco Bay.
Ini agud gamiton nga prisohan para sa mga makasasala sa America.
Pero ano bala ang Alcatraz prison?
Ang United States Penitentiary, Alcatraz Island ukon mas kilala nga Alcatraz ang isa ka maximum security federal prison sa Alcatraz Island nga may 1.25 miles ukon 2.01 km ang kalayuon halin sa baybayon sang San Francisco, California, United States.
Ang nasambit nga lugar ang yara na sang 1850s kag ang main prison building ang ginpatindog sadtong 1910-12 bilang U.S. Army military prison.
Ginbakal sang United States Department of Justice ang United States Disciplinary Barracks, Pacific Branch, sa Alcatraz sang October 12, 1933.
Ang isla ang ginhimo nga prisuhan sang Federal Bureau of Prisons sang August 1934 matapos nga ang building ang ginmodernized kag ginpasanyog ang seguridad.
Ang isla ang matugnaw, madamo sang white sharks sa dagat kag may mabaskog nga currents sa San Francisco Bay kag ginpahayag sang prison operators nga ang Alcatraz ang escape-proof kag most secure prison sang America.
Nahibaluan nga ang federal prison sa Alcatraz ang nagserbe nga prisohan sang mga notorious US criminals kalakip na si Al Capone antes ini ginpasirado sang 1963.
Sa karon, isa ini sa pinakabantog nga tourist destination sa San Francisco.
