Hugot nga ginpanginwala ni Senate Minority Leader Alan Peter Cayetano ang alegasyon ni Sen. Panfilo “Ping” Lacson nga may mga “ghost projects” sa Taguig kag ginhangkat ini nga magpagwa sang ebidensya agud mapamatud-an ang akusasyon.
Ginpahayag ni Cayetano nga makapila na ka beses nga na-imbestigaran sang nagkalain-lain nga ahensya sang gobyerno ang mga proyekto sa Taguig apang wala sang may natumod nga ghost projects.
Suno sa Senador, mangin ang iya talatapan ang nagpatigayon man sang kaugalingon nga beripikasyon sang nagwa ang mga alegasyon sang korapsyon sa mga proyekto sang gobyerno.
Suno kay Cayetano, ang isa ka “ghost project” ang nagatumod sa proyekto nga nabayaran sang gobyerno apang wala sang aktuwal nga napatindog.
Kadungan sini, gin-agda man sang senador ang Department of Public Works and Highways (DPWH), sa pagpanguna ni Secretary Vince Dizon, nga manduan ang tanan nga district engineers mangin ang mga local government units (LGUs), nga kuhaan sang litrato kag idokumento ang tanan nga flood control projects agud madasig makumpirmar kun may mga proyekto nga wala natuman.
