Ginbuksan ni Alex Eala ang kampanya sang Pilipinas sa 2025 Southeast Asian Games sa Thailand kahapon sang Huwebes, Dsiyembre 18, 2025 paagi sa pag-angkon sang bulawan nga medalya sa iya una nga biennial meet.
Ini matapos nga ginpierde ni Alexa Eala si Mananchaya Sawangkaew sang Thailand sa women’s singles sa iskor nga 6–1, 6–2.
Ini na ang ikatlo nga medalya ni Eala sa nagapadayon nga hampang bangud kabahin man siya sang Philippine team nga nagkuha sang bronze sa women’s team event kag nag-upod kay Francis Casey Alcantara sa mixed doubles nga nakakuha man sang bronze.
Luwas kay Eala, ang RP Blu Boys kag si Michael Ver Comaling nagdugang man sang bulawan nga medalya sa softball kag modern pentathlon.
Subong, ang Pilipinas ang may 41 ka gold medal, 59 ka silver kag 126 ka bronze medal.
