Plano nga posasan si Dismissed Bamban, Tarlac Mayor Alice Guo kag pasuksukan sang bulletproof vest kag palibutan sang police escorts samtang ini ang iga-transfer sa Senado agud nga magtambong sang legislative investigation kaangot sa illegal Philippine Offshore Gaming Operators (POGOs).
Suno kay Philippine National Police (PNP) Spokesperson Police Colonel Jean Fajardo, ang convoy nga nagadala kay Guo ang magahalin sa PNP Custodial Center sa Camp Crame, Quezon City sa takna nga alas-8:00 sa aga sa Lunes antes paman magsugod ang Senate hearing sang alas-10:00 sa aga.
Santo naman sa inisyal nga plano, suksukon ni Guo ang bulletproof vest kag magasakay sa salakyan nga may upod nga security package kag tanan nga police officers nga maga-assist sa iya ang lunsay mga kababainhan.
Yara man Special Weapons And Tactics (SWAT) Team agud tsekyaron si Guo samtang nagasunod sa iya nga convoy.
Nagpasalig man si Fajardo nga ang law enforcers ang strikto nga maga-obserba sang security protocols samtang ginadul-ong si Guo sa Senate office sa Pasay City.
Ini kasunod man sang mando sang Tarlac court nga arestuhon si Guo bangud sa graft charges.
Una na nga nagsulat si Senator Risa Hontiveros, chairperson sang Senate committee on women, children, family relations, and gender equality kay Capas, Tarlac Regional Trial Court Branch 109 Presiding Judge Sarah Vedaña-Delos Santos nga naga-request nga pahanugutan si Guo nga magtambong sa continuation sang imbestigasyon sang panel.
