Ginpangunahan ni French capital mayor Anne Hidalgo ang paglangoy sa Seine River para mapakita nga malimpyo ini nga gamiton para sa outdoor swimming events sa Paris Olympics 2024.
Apisar sa gin-invest nga $1.5 billion ukon kapin sa P87 billion para malikawan ang pag-leak sa sewage, pila ka beses nga nag-negatibo ang resulta sini sa water quality tests.
Apang, humalin sang pag-umpisa sang Hulyo, nakita sa mga samples nga handa na ang Seine river para sa open-water swimming kag triathlon.
Suno sa alkalde, sa nagahilapit nga sport event, may dako nga papel ang Seine kag ini magarepresenta sa maayo nga trabaho sang ciudad kag estado sa pagpa-imprubar sang kalidad sang tubig sa Seine.
Una na nga ginplano ni Hidalgo nga maglangoy sa Seine sang nakaligad ng bulan apang ini ang gin-reschedule bangod nga mataas ang numero sang na-detect nga mga bacteria.
Gin-updan ni chief Paris Games organiser Tony Estanguet si Hidalgo, apang wala naman mahimo ni President Emmanuel Macron nga magtambong bangod sa political crisis nga ginapangatubang sini.
Naka-set nga gamiton ang Seine sa swimming leg sang Olympics triathlon sa Hulyo 30-31 kag Agosto 5 kasubong man sa open-water swimming sa Agosto 8 -9.
