Ginpahayag sang amay sang isa ka NPA member nga ginpilit sini sadto ang iya bata nga indi magsulod sa makawala nga grupo.
Sa interview sang Bombo Radyo kay Pablo Magquilat, sadto ginhambalan sini ang iya bata nga si Mary Jane Magquilat nga indi mag-upod sa NPA apang wala ini namati sa iya.
Si Mary Jane ukon alias ” Shonie/Chinchin/Shedi” ang vice squad leader nga asawa ni Reniel Locsin Cello ukon alias “Kumpol/Adie” nga amo ang squad leader.
Suno kay Pablo, pagpanguma lamang ang ila palangabuhian apang wala man sang problema bangod sarang man nila magkaon sang tatlo ka beses sa isa ka adkaw.
Suno pa diri, ginpilit sini sadto ang iya bata nga indi mag-upod sa NPA apang wala na ini may nahimo pa sa luyag ni Mary Jane.
Samtang ang bata naman ni Mary Jane kag kumpol ang wala nag-upod sa makawala nga grupo kag sa karun nagapangubi naman sang ila.
