Ginhangkat sang Criminal Investigation and Detection Group (CIDG) si anay Ateneo men’s basketball team head coach Tab Baldwin nga magpakig-angot sa imbestigasyon natuhoy sa pagkapatay sang mga student-athlete nga sanday Rene Baterbonia kag Divine Adili, samtang nagpanindugan ang mga otoridad nga indi aksidente ang natabo.
Sa isa ka press briefing, ginpahayag ni CIDG Director Police Major General Alexander Morico II nga ila na ginalantaw ang anggulo sang homicide ukon hazing.
Santo sa imbestigasyon, natabo ang insidente 300 tubtob 700 meters ang distansya halin sa resort sa Aurora, sa diin delikado sadto ang kondisyon sang dagat kag may dalagko nga balod.
Base sa mga testimoniya nga nakolekta, ginaalegar may ihibalo ang grupo tuhoy sa kondisyon sang dagat antes pa man sila nagpadulong didto, kag ginpalumpat pa ang mga atleta sa tubig bilang leg exercises.
Ginhingyo man sang CIDG kay coach Tab Baldwin ang mga aerial drone footages nga kuha sa training camp agud makabulig sa imbestigasyon.
Sa kabug-usan, 48 tanan ka mga indibidwal ang target nga i-subpoena sang CIDG.
