Ginrekomenda sang Criminal Investigation and Detection Group (CIDG) ang pagpasaka sang kaso batok sa 11 ka mga indibidwal, kalakip ang head coach nga si Tab Baldwin kag iban pa nga coaches, student managers, physical therapist, kag staff sang Ateneo men’s basketball team, bangud sa ginaalegar paglapas sa Anti-Hazing Act angot sa pagkapatay nanday Rene Baterbonia kag Divine Adili sa isa ka team-building activity sa Dipaculao, Aurora sang Hunyo 8.
Santo sa imbestigasyon sang CIDG, ang mga atleta ang gina-alegar ginpaidalom sa intense physical training, punishment exercises, kag sea-based training sa delikado nga kondisyon antes natabo ang trahedya.
Bangud sini, nagapati ang CIDG nga ang insidente mahimo madala sa sakop sang Anti-Hazing Act, apang, ang Department of Justice (DOJ) gihapon ang magadesisyon kun may supisyente nga ebidensya kag kun ano nga mga kaso ang ipasaka matapos ang ipatigayunon nga preliminary investigation.
