Gindagdagan sang perpetual ban sang University Athletic Association of the Philippines (UAAP) si anay Ateneo head coach Tab Baldwin.
Santo sa desisyon sang UAAP Board, epektibo gilayon ang ban sa tanan nga UAAP competitions kag activities, mangin bilang coach, administrator, adviser ukon opisyal.
Kasunod ini sang insidente sa Dipaculao, Aurora nga ginkamatay nanday Rene Baterbonia kag Divine Adili sang Hunyo 8.
Indi man ini pagpahanugutan nga magsulod sa ano man nga venue sang UAAP kag indi na mahimo mag-apelar sa amo nga penalidad.
Samtang, gin-suspend ang Ateneo men’s basketball team manager nga si Christopher John Quimpo, mga assistant coach kag physical therapist.
Suno sa UAAP, ginbase ang desisyon sa imbestigasyon sang Ateneo kag sa pagtsekyar sa mga opisyal nga report sang Philippine National Police- Criminal Investigation and Detection Group (PNP-CIDG) kag National Bureau of Investigation (NBI) may kaangtanan sa insidente.
![Pinterest](https://pinterest.com/pin/create/button/?url=https://bacolod.bomboradyo.com/uaap-nagpanaog-sang-perpetual-ban-batok-kay-former-ateneo-head-coach-tab-baldwin/&media=https://img.bomboradyo.com/bacolod/2026/08/TAB-BALDWIN.webp&description=UAAP, nagpanaog sang "perpetual ban" batok kay former Ateneo head coach Tab Baldwin){kind=link}