Wala pa makita ang anay seaman nga ginapahayag naanod sa suba sang Himamaylan City, Negros Occidental subong nga hapon.
Sa interview sang Bombo Radyo Bacolod kay Police Captain Joelan Vinson, Chief of Police sang Binalbagan Municipal Police Station, ginalantaw sini nga sa banwa sang Binalbagan mahimo anuron ang anay seaman bangud ang ilig sang tubig ang padulong sa banwa.
Suno kay Vinson, ginpahayag sang pamilya nga ang biktima ang naanod matapos nga gintuyo sini nga kuhaon ang kahoy nga naanod sa suba apang gin-anod ini sang tubig kag nagsulod sa tamburong sang overflow.
Mabaskog naman ang pagdaludo sang tubig gani wala na sini masarangan nga maglangoy kag ini ang gin-anod na.
Ang suba ang nahamtang sa boundary sang Himamaylan City kag banwa sang Binalbagan, Negros Occidental.
Sa pihak nga bahin ang mga evacuees bangud sa pag-inulan dala sang Bagyong Crising sa banwa sang Binalbagan ang nagapabilin sagihapon sa evacuation center sang banwa.
