Nag-apelar ang abogado ni Justin Timberlake sa pag-dismiss sang drunk driving charges batok sa American pop singer sa pagpanindugan sini nga “not intoxicated” ang iya kliyente matapos nga maaresto sang tinalikdan nga bulan.
Hunyo 18, gin-aresto ang 43 anyos nga singer matapos nga wala ini nagsunod sa traffic signs kag nabudlayan nga magtinir sa sulod sang street lanes.
Si Timberlake ang nagbyahe padulong sa balay sang iya abyan matapos nga manyapon sa isa ka local hotel restaurant.
Sa karun yara ini sa Europe para sa iya nga tour kag wala nahimo nga maka-attend sa hearing sa New York sang Biyernes.
Siya ang gin-orderan nga mag-attend sa next proceedings sa Agosto 2.
Suno sa abogado sini nga si Atty Edward Burke, may kapaltahan nga nahimo ang mga kapulisan kag ang importante amo nga wala sa impluwensya sang makahulubog nga ilimnon ang iya kliyente.
