Masobra 2,100 ka police personnel ang gindeploy sa bilog nga Negros Island Region para sa pagbantay sa mga aktibidad may kaangtanan sa Labor Day.
Sa interview sang Bombo Radyo Bacolod kay Police Lt Col Joem Malong, spokesperson sang Police Regional Office – Negros Island Region, ini ang ginalakipan sang 670 gikan sa Negros Occidental Police Provincial Office, 557 gikan sa Negros Oriental Police Provincial Office. 431 gikan sa Bacolod City Police Office, 287 gikan sa Siquijor, kag 161 gikan sa Regional Mobile Force Battalion – Negros Island Region.
Kaina sang aga, nagpatigayon sang rally ang pila ka grupo, kag may-ara pa sang separado nga rally alas-2:00 subong nga hapon.
Sila ang nagbulig para sa pagpatrolya, traffic assistance, border control kag pagbantay sa evacuation point.
May-ara man sang nag-augment nga force multiplier.
Suno kay Malong, ginarespeto nila ang kinamatarong sang mga raliyista, kag sila ang magaseguro lamang sang kalinong kag kahilwayan sang mga aktibidad.
