Tinutuyo sang ciudad sang Bacolod nga mas pasanyugon pa ang serbisyo sang Bacolod Comprehensive Health Program (BacCHP).
Suno kay Engineer Mae Cuaycong, focal person sang Bacolod City Comprehensive Health Program (BacCHP), bilang pagpasanyog sang serbisyo sang BACHP nakaumpisa na sila meeting kaupod ang PhilHealth Manila, finance committee kag City Health kag sila ang nagalaum nga ang tanan nga mga miyembro kag dependents sang BacCHP ang magapaidalom sa annual physical examination sa idalom sang Konsulta Program sang Philippine Health Insurance Corp. (PhilHealth).
Suno kay Cuaycong, magluwas sa paghimo sang health profile sang mga ini, luyag man nila nga masiguro fit ang tanan kag matumod ang mga nagapanguna nga mga kawsa sang mga maintenance nga bulong nga kinahanglan.
Dugang pa sini paagi sa annual physical examination makakuha man ang ciudad sang pondo nagikan sa PhilHealth agud nga masuportahan man pinansyal ang kinahanglan sang BacCHP.
Sa ila nga proposal may yara sang 30 ka mga health centers sa ciudad sang Bacolod gani kun maaprubahan na sang alkalde ang proposal ang tanan nga ini ang mahimo na pakonsultahan sang mga BacCHP members kag dependents.
