Ginabulubanta nga magatuga sang kapierdihan nga $20 billion sa annual revenue ang halit sa pinakadako nga pasilidad sang liquefied natural gas (LNG) sa Qatar.
Ini matapos ang mga pag-atake sang Iran sa Ras Laffan Industrial City sa Qatar nga nagtuga sang dako nga halit sa mga pasilidad sang LNG.
Ang halit ang nagpanubo sang 17 percent sa kapasidad sang pag-transport sang LNG sang Qatar nga ginapatihan magdangat sa tatlo tubtob lima ka tuig para makay-o.
Naguba sang mga pag-atake ang duha sa 14 nga LNG train sang Qatar kag isa ka gas-to-liquid (GTL) facility.
Bangud diri, nabuhinan sang 12.8 milyon nga tonelada kada tuig ang produksyon sang LNG.
Ini ang nagdala sang dako nga pagsaka sa mga presyo sang enerhiya sa bug-os nga kalibutan bangud sa delay sang supply naggikan sa Qatar.
