Gina-imbestigaran sa karun sang Philippine National Police (PNP) ang apat ka mga police officers nga gin-alegar imbolbado sa indiscriminate firing sang pagsug-alaw sang bag-ong tuig 2026.
Ginpahayag sang PNP, ang apat ka mga pulis nga gina-imbestigahan ang nagikan sa Surigao del Sur, Iloilo, Parañaque City, kag Cagayan de Oro City.
Una na nga nagpaandam si Philippine National Police Acting Chief Police Lieutenant General Jose Melencio Nartatez Jr. sa mga pulis nga ang PNP ang nagapatuman sang one-strike policy, sa diin mangatubang sang administrative sanctions kag criminal liability without second chances ang mga police officers nga guilty sa indiscriminate firing.
Dugang pa ni Nartatez, ang nasambit nga police officers ang posible mangatubang sang dismissal sa serbisyo kun mapamatud-an ang alegasyon.
