Ginpakigbahin ni Davao 1st District Representative Paolo Duterte ang update natuhoy sa ikaayong lawas sang iya amay nga si former President Rodrigo Duterte, nga wala nakatambong sa House quad committee hearing sang Martes bangud sa nagakinahanglan ini sang pahuway.
Suno sa kongresista, maayo sa karun ang kahimtangan sang anay Presidente, nagatulog kag nagakaon ini sang maayo.
Suno sa iya, sang tinalikdan nga semana, sila ang nag-istoryahanay natuhoy sa iya kandidatura bilang alkalde kun sa diin ginpabutyag ni Duterte nga siya ang magapangampanya apang ginhambalan sang mga ini nga sa pili nga mga barangay lamang kag indi sa tanan bangud may yara sang 182 ka mga barangay sa Davao.
Madumduman nga nagfile sang certificate of candidacy si Duterte agud magbalik bilang alkalde sang Davao City para sa 2025 midterms elections.
Suno kay Rep. Duterte, luyag gid sang iya amay nga magpangampanya apang bangud sa iya edad kag ikaayong lawas, ginahambalan ini sang iya pamilya nga limitahan lamang ang paglibot.
