Nagtaliwan na sa edad nga 85 ang Asia’s Queen of Songs nga si Pilita Corrales.
Siya ang nagapabilin sa gihapon nga kilala sa iya iconic nga pag-liad nga nagserbe bilang signature sini sa iya performance sa pito ka dekada na apang sa likod sini, ang Original Pilipino Music (OPM) icon nagbilin sang marka nga magapabilin tubtob sa ulihi.
Bilang singer-songwriter, actress, comedienne kag TV personality.
Sa bilog nga career sini, may yara si Pilita sang 135 ka albums gamit ang linggwahe nga Filipino, Cebuano, English, kag Spanish nga nagpalapit sa iya sa mga tawo.
Nagsanyog ang career sini sa Victoria, Australia sa iya single nga “Come Closer to Me” ukon ang “Acércate Más” (A-ther-ca-te Mas) sang 1959.
Nangin host ini sa Spanish show nga “La Taverna” sa iya pagbalik sa Manila sang 1963 kag didto na nagtatak sa mga tawo ang iya song performances.
Kasunod sini, may spotlight na si Pilita sa TV sa iya kaugalingon nga show nga An Evening with Pilita.
Isa sa biggest hits sini amo ang “A Million Thanks to You,” nga nahibaluan kun san-o nag-umpisa ang iya signature nga pag-liad tubtob na sa ulihi sang iya career sa showbiz industry.
Ang iya 1972 album sini nga Philippine Love Songs nangin big hit man sa pagfeature sang kanta kaangay sang “Dahil Sa’yo,” “Kapantay ang Langit,” kag “Kay Hirap Umibig,”.
Samtang, wala naman nangin mahapos ang journey sang kabuhi ni Pilita.
Siya ang ginbun-ag sa pamilya sang Spanish descent kag ginpadala sa Spain para mag-eskwela sa Colegio Mayor de Padre Poveda bilang preparasyon sa ginpatigayon nga pagpakasal sini sa isa ka manggaran nga lalaki.
Apang, sang tuig 2017, ginbuyagyag sini ang iya naeksperyensya nga pagpang-abuso sa relasyon sini kay Carlos Lopez nga isa ka Paraguayan businessman sa sulod sang 16 ka tuig.
Kasunod sini, nagsulod ini sa music industry nga nagserbe bilang balay sini.
Sa pagtaliwan ni Pilita Corrales, nagapabilin ang legasiya sini sa music industry kag ang iya impluwensya sa mga artists nga padayon nga ginadumdum.
