Wala nagahinulsol ang senador sang Australia nga ginkick-out sa parliament matapos nga nagprotesta ini paagi sa pagbayaw sang placard nga may nakasulat nga STOP THE HUMAN RIGHTS ABUSES sa tunga-tunga sang historical speech ni President Ferdinand “Bongbong” Marcos Jr sa Australia kahapon.
Sa interview sang Bombo Radyo Bacolod kay Denmark Suede, Bombo International News Correspondent direkta sa Australia, ang Australia may yara sang duha ka major political parties nga ini ang ginalakipan sang Labor party kag Liberal party samtang may yara sang ginatawag nga cross benchers.
Suno diri sa 76 ka mga senador may yara sang 19 ka mga cross benchers kag sa 19 ka cross benchers, 11 diri ang greens kun sa diin kabahin diri Senator Janet Rice.
Suno kay Suede ang mga greens ang indi kaupod sa Labor party nga nagapungko sa karun sa Australian Government kasubong man sa Liberal nga opposition party.
Suno diri, ang mga cross bencher ang makaboto nga para sa gobyerno ukon nagapamatok sa gobyerno.
Si Senator Rice ang nagbayaw sang placard nga may tinaga nga STOP THE HUMAN RIGHTS ABUSES samtang nagapatigayon sang historical speech si President Marcos sa sa Australian Parliament.
Wala naman nagustuhan sang iban nga senador ang ginhimo sini gani ginkick-out siya samtang nagapadayon man sa pagspeech ang presidente sang Pilipinas.
Ginpahayag man ni Suede nga indi lang man ini ang una nga natabo nga ginbastos ang isa ka world leader samtang nagaspeech sa parliament sang Australia bangud sang 2003 sa tion pa ni US President George Bush Jr bangud indi lang placard kundi ginsinggitan pa ang nasambit nga presidente.
Ginpahayag nga mahimo nga may mga Filipino nga wala pa nakamove-on sa ginhimo sang anay presidente nga amay ni President Marcos nga nakamuno sa senadora gani nahimo sini ang pagprotesta samtang nagaspeech ang presidente bisan wala pa sini navalidate ang impormasyon.
Suno kay Suede matapos ang natabo nagpagwa man sang speech si Rice kag nagpahayag nga wala ini naghinulsol sa iya nga ginhimo.
